Mersisayd polisiyasi muxlisning telefonini qo‘lidan tushirib yuborgan “Manchester Yunayted” hujumchisi Krishtianu Ronalduni tergov qilmoqda, deb yozadi Livepool Echo.
"Everton" bilan o‘yindagi mag‘lubiyatdan so‘ng (0:1) kiyim almashtirish xonasiga ketayotgan Ronaldu ishqiboz uzatgan telefonni otib yubordi. Keyinroq portugaliyalik o‘zining xatti-harakati uchun uzr so‘radi va muxlisni "Old Trafford"dagi o‘yinga taklif qildi.
“Hozirda tergov harakatlari olib borilmoqda. Ofiserlar "Everton" futbol klubi bilan videokuzatuv kameralari tasvirlarini ko‘rib chiqish va huquqbuzarlik sodir bo‘lganligini aniqlash uchun guvohlar bilan suhbatlashish uchun ishlamoqda”, — deyiladi polisiya bayonotida.
