Мерсисайд полицияси мухлиснинг телефонини қўлидан тушириб юборган “Манчестер Юнайтед” ҳужумчиси Криштиану Роналдуни тергов қилмоқда, деб ёзади Livepool Echo.
"Эвертон" билан ўйиндаги мағлубиятдан сўнг (0:1) кийим алмаштириш хонасига кетаётган Роналду ишқибоз узатган телефонни отиб юборди. Кейинроқ португалиялик ўзининг хатти-ҳаракати учун узр сўради ва мухлисни "Олд Траффорд"даги ўйинга таклиф қилди.
“Ҳозирда тергов ҳаракатлари олиб борилмоқда. Офицерлар "Эвертон" футбол клуби билан видеокузатув камералари тасвирларини кўриб чиқиш ва ҳуқуқбузарлик содир бўлганлигини аниқлаш учун гувоҳлар билан суҳбатлашиш учун ишламоқда”, — дейилади полиция баёнотида.
