Germaniyaning «Leypsig» klubi «Ayaks» bosh murabbiyi Erik ten Xag uchun kurashga kirishdi.

OAVda e’lon qilinganidek, Erik ten Xag «Manchester Yunayted»ga tayinlanishga juda yaqin turibdi, ammo niderlandiyalik mutaxassisga yana bir da’vogar paydo bo‘ldi - «Leypsig».

De Telegraaf xabariga ko‘ra, Bundesliga klubi mutasaddilari raqobatda «Manchester Yunayted»ni mag‘lub etish uchun ten Xagga foydali uzoq muddatli shartnoma taklif qilishgan.

«Leypsig» rahbarlari niderlandiyalik murabbiyni «Bavariya»ning nemis futbolidagi uzoq muddatli gegemonligini buzishdek ulug‘vor maqsadga erishishda yordam bera oladigan shaxs sifatida ko‘rishmoqda.

Qo‘shimcha o‘rnida shuni aytib o‘tish kerakki, Domeniko Tedesko qo‘l ostida "Leypsig" klubi 12 ta o‘yindan beri mag‘lubiyat nima ekanligini bilmay kelmoqda.