Германиянинг «Лейпциг» клуби «Аякс» бош мураббийи Эрик тен Хаг учун курашга киришди.
ОАВда эълон қилинганидек, Эрик тен Хаг «Манчестер Юнайтед»га тайинланишга жуда яқин турибди, аммо нидерландиялик мутахассисга яна бир даъвогар пайдо бўлди - «Лейпциг».
De Telegraaf хабарига кўра, Бундеслига клуби мутасаддилари рақобатда «Манчестер Юнайтед»ни мағлуб этиш учун тен Хагга фойдали узоқ муддатли шартнома таклиф қилишган.
«Лейпциг» раҳбарлари нидерландиялик мураббийни «Бавария»нинг немис футболидаги узоқ муддатли гегемонлигини бузишдек улуғвор мақсадга эришишда ёрдам бера оладиган шахс сифатида кўришмоқда.
Қўшимча ўрнида шуни айтиб ўтиш керакки, Доменико Тедеско қўл остида "Лейпциг" клуби 12 та ўйиндан бери мағлубият нима эканлигини билмай келмоқда.
