Corriere dello Sport nashri xabariga ko‘ra, «Lasio» «Chelsi» futbolchisi Jorjinyoning atrofidagi holatni kuzatib bormoqda, chunki Maurisio Sarri Rim klubi rahbariyatidan «Chelsi» yarim himoyachini sotib olishni talab qilmoqda. Futbolchisining klub bilan shartnomasi bir yildan keyin tugaydi va yozgi transfer oynasida u «Stemford Brij»ni tark etishi mumkin.
Sarri va Jorjinyo «Napoli»da birga ishlagan va u yerda yaxshi muvaffaqiyatlarga erishgan. Italiyalik murabbiy «Chelsi»ni qabul qilishi bilanoq, u Jorjinyoni London klubiga olib kelishini so‘radi.
Avvalroq futbolchiga «Milan» ham qiziqish bildirayotgani xabar qilingandi.
