Xabar berib o‘tganimizdek, 5-9 aprel kunlari Ruminiyada o‘tkazilgan "Golden Belt" xalqaro turniri bo‘lib o‘tdi va unda O‘zbekiston terma jamoasi umumjamoa hisobida birinchi bo‘lishdi.
Musobaqada 6 ta oltin, 4 ta kumush va 3 ta bronza medalini qo‘lga kiritgan bokschilarimiz bugun yurtimizga qaytib kelishdi.
Ular Islom Karimov nomidagi Toshkent xalqaro aeroportida kutib olindi. Kutib olish marosimida O‘zbekiston Sportni rivojlantirish vazirligi va O‘zbekiston boks federasiyasi mutasaddilari, bokschilarimizning yaqinlari ishtirok etishdi.
