O‘zPFL bosh direktori Diyor Imomxo‘jayev Osiyo Chempionlar ligasi guruh bosqichi 2-turidagi "Paxtakor"ning "At-Ta’avun" ustidan qozongan g‘alabasi (1:0) haqida o‘z Telegram kanalida xabar qoldirdi.
"Paxtakor" g‘olib chiqqan bo‘lsa-da, ko‘ngil to‘lmagan jihatlar bor. Hojimat va Ikrom maydonga tushguniga qadar futbolchilarimiz o‘z o‘yinlariga qo‘sha olishmayapti. Vaholanki, o‘z muxlislari qarshisida yotib olib, o‘yin tempini sun’iy tushirayotgan ("Paxtakor"ni to‘xtatish uchun) bunday jamoani iloji boricha yanchib tashlash kerak. Menimcha, muxlislarga g‘alabadan ko‘ra ko‘proq futbolchilar ko‘zidagi o‘t va ularning g‘alabaga o‘ta chanqoqligi zarur", - deb yozdi Imomxo‘jayev.
