«Manchester Siti» hujumchisi Gabriel Jezus jamoasining mavsum yakuniga qadar qolgan o‘yinlari haqidagi fikrlari bilan o‘rtoqlashdi.

«Hozir mavsumning eng yaxshi vaqti. Kubokni yutamizmi yoki yo‘qmi, mavsum oxirida bilib olamiz. Barcha futbolchilar o‘ynashni va klubga yordam berishni xohlashadi. Bizda ajoyib jamoa bor. Hamma maydonga tushib, o‘yinda g‘alaba qozonishni xohlaydi», - deya futbolchining so‘zlarini keltiradi klub rasmiy sayti.

Eslatib o‘tamiz, «Manchester Siti» hozirda uchta turnirda g‘alaba qozonish imkoniyatini saqlab qolgan. Klub Chempionlar ligasining chorak finalida, Angliya Kubogining yarim finalida o‘ynaydi, shuningdek, Premyer-ligada «Liverpul»ni turnir jadvalida bir ochkoga ortda qoldirib, peshqadamlik qilmoqda.