«Manchester Yunayted»ning sobiq futbolchisi Rio Ferdinand «qizil iblislar» himoyachisi Garri Maguayrni qo‘llab-quvvatladi.
Ferdinandning ta’kidlashicha, Maguayrni «nol» futbolchi deb atash mumkin emas, chunki Angliya terma jamoasi libosida himoyachi a’lo, ba’zan esa fenomenal o‘yin ko‘rsatadi. Rioning ta’kidlashicha, «Manchester Yunayted»ning uslubi Maguayrga to‘g‘ri kelmaydi. Sobiq futbolchining qo‘shimcha qilishicha, bu Jerar Pike bilan allaqachon sodir bo‘lgan, agar u «Yunayted»ni tark etib, «Barselona»ga o‘tmaganida u bilan ham shunday bo‘lar edi.
Eslatib o‘tamiz, joriy mavsumda Garri Maguayr Angliya chempionatida 26ta o‘yin o‘tkazib, bitta gol urgan.
