Sport arbitraj sudi (CAS) o‘zning rasmiy saytida Rossiya futbol ittifoqining 2022 yilgi Jahon chempionati saralash turnirining pley-off o‘yinlarini kechiktirish haqidagi apellyasiyasini rad etish qarorini e’lon qildi.
«Polsha, Shvesiya va Chexiya futbol assosiasiyalari Rossiyaga qarshi o‘ynamaslik qarorini ochiq e’lon qildi. Agar Rossiya terma jamoasiga pley-offda ishtirok etishga ruxsat berilganida, ularning raqiblari texnik mag‘lubiyatga uchragan bo‘lardi, chunki uchrashuvlar bo‘lib o‘tmagan bo‘lardi. Shunda FIFA musobaqalarining yaxlitligi jiddiy ravishda buzilgan bo‘lardi», — deyiladi CAS bayonotida.
CAS FIFA va UYEFA bayonotlariga rozi bo‘ldi, ular hech qanday davlat Rossiya terma jamoasi bilan uchrashuv o‘tkazishga rozi bo‘lishiga kafolat yo‘qligini aytdi.
"Evropaning ko‘plab davlatlari Rossiya sharafini himoya qiluvchi jamoalarning ishtiroklarini to‘xtatib turish qarorini qo‘llab-quvvatladi, shu bois Rossiyada ushbu mamlakat terma jamoasi ishtirokidagi o‘yinlar o‘tkazilishi dargumon», — deyiladi xabarda.
Avvalroq FIFA va UYEFA Rossiya terma jamoalari va klublarini noma’lum muddatga barcha Halqaro musobaqalarda ishtirok etishdan chetlatgan edi. RFI ushbu qarorlar ustidan CASga apellyasiya bergandi.
Eslatib o‘tamiz, 24 mart kuni Rossiya terma jamoasi Qatarda bo‘lib o‘tadigan 2022 yilgi Jahon chempionatiga chiqish huquqi uchun pley-off turnirida Polsha termasi bilan o‘ynashi kerak edi.
