«Roma» yarim himoyachisi Genrix Mxitaryan Konferensiya ligasi 1/4 finalida «Budyo-Glimt»ga qarshi javob uchrashuvidan oldingi fikrlari bilan o‘rtoqlashdi va kelajagi haqidagi savolga javob berdi.
Jamoalar o‘rtasidagi Norvegiyada bo‘lib o‘tgan birinchi o‘yin rimliklarning 1:2 hisobidagi mag‘lubiyati bilan yakunlangan edi.
«Budyo-Glimt»ga qarshi o‘tgan o‘yinlar hisobga olinmaydi. Endi bo‘lajak uchrashuv haqidagi gaplashamiz. Biz ularni mag‘lub eta olishimizni isbotlashimiz kerak, chunki bizda kuchli jamoa bor.
Shartnomaga kelsak, bu haqda gapirishni istamayman, chunki bu masalani muhokama qilishga hali vaqtim bor. Men Konferensiyalar ligasida g‘alaba qozonishimga ishonaman, lekin birinchi navbatda ertangi o‘yinda g‘alaba qozonishni istaymiz», - deya Mxitaryanning so‘zlarini keltiradi Football Italia.
Jamoalar o‘rtasidagi javob o‘yini 14 aprel kuni Rimda bo‘lib o‘tadi va Toshkent vaqti bilan soat 00:00da boshlanadi.
