«Рома» ярим ҳимоячиси Генрих Мхитарян Конференция лигаси 1/4 финалида «Будё-Глимт»га қарши жавоб учрашувидан олдинги фикрлари билан ўртоқлашди ва келажаги ҳақидаги саволга жавоб берди.
Жамоалар ўртасидаги Норвегияда бўлиб ўтган биринчи ўйин римликларнинг 1:2 ҳисобидаги мағлубияти билан якунланган эди.
«Будё-Глимт»га қарши ўтган ўйинлар ҳисобга олинмайди. Энди бўлажак учрашув ҳақидаги гаплашамиз. Биз уларни мағлуб эта олишимизни исботлашимиз керак, чунки бизда кучли жамоа бор.
Шартномага келсак, бу ҳақда гапиришни истамайман, чунки бу масалани муҳокама қилишга ҳали вақтим бор. Мен Конференциялар лигасида ғалаба қозонишимга ишонаман, лекин биринчи навбатда эртанги ўйинда ғалаба қозонишни истаймиз», - дея Мхитаряннинг сўзларини келтиради Football Italia.
Жамоалар ўртасидаги жавоб ўйини 14 апрель куни Римда бўлиб ўтади ва Тошкент вақти билан соат 00:00да бошланади.
