"Atletiko" posboni Yan Oblak «Manchester Siti»ga qarshi javob o‘yini haqida fikr bildirdi.
“Jamoamiz juda ko‘p harakat qildi, ajoyib o‘yin bo‘ldi, biz bundan ham ko‘proq narsaga loyiq edik. Hafsalamiz pir bo‘ldi: gol va g‘alaba qozonish uchun qo‘limizdan kelganini qildik.
Birinchi o‘yinda raqib yaxshiroq bo‘lgan bo‘lsa, javob o‘yinida biz yaxshiroq edik. Agar ikkita o‘yinni birlashtirgan bo‘lsangiz, bizda ko‘proq imkoniyat bor edi. Biroq, bu yakunda yarim finalga chiqish uchun yetarli bo‘lmadi.
Kiyinish xonamizda hamma xafa, chunki biz yarim finalga chiqa olmadik, lekin hech kim hech kimni ayblay olmaydi. Barcha futbolchilar bor kuchlarini berib o‘ynadi. Gol urish uchun omad yetishmadi”, - dedi Oblak.
