«Barselona» va «PSJ» «Chelsi» yarim himoyachisi Jorginyo uchun kurashga qo‘shildi. Avvalroq, futbolchiga «Milan» va «Yuventus» klublari ham qiziqish bildirayotgani xabar qilingandi.

Jorjinyo joriy mavsum «Chelsi» safida 40 ta o‘yinda maydonga tushib, 9 ta gol va 4 ta golli uzatmani amalga oshirdi. Biroq futbolchining klubdagi kelajagi noma’lumligicha qolmoqda. Futbolchining shartnomasi yozda yakuniga yetadi.

Yaqinda Jorjinyoning agenti 30 yoshli futbolchi uchun «Chelsi» bilan yangi shartnoma imzolash ustuvor vazifa ekanini tan oldi. Biroq ayni damda London klubi transfer amalga oshirish huquqiga ega emas, shu bois ular yarim himoyachini o‘z saflarida saqlab qola olishlari hali aniq emas.