«Manchester Siti» bosh murabbiyi Xosep Gvardiola jamoasi Chempionlar ligasining yarim finaliga chiqqaniga qaramay, jamoaning asosiy muammolari oldinda, deb hisoblamoqda.
«Bugun biz g‘alabani nishonlayapmiz, chunki «Manchester Siti» tarixida uchinchi marta Chempionlar ligasining yarim finaliga chiqdi. Ammo biz uch kun oldin o‘ynaganimizni va bu yerga kelganimizni esdan chiqara olmaymiz.
Hozirda jarohat olgan futbolchilarimiz ko‘p, yaqin haftalarda nima bo‘lishini bilmayman.
Biz har doim o‘ynab, to‘rt yoki beshta gol ura olmaymiz, biz insonmiz. «Liverpul»ga qarshi qiyin o‘yin o‘tkazdik. Bizda katta muammolar bor», - dedi Gvardiola.
