«Манчестер Сити» бош мураббийи Хосеп Гвардиола жамоаси Чемпионлар лигасининг ярим финалига чиққанига қарамай, жамоанинг асосий муаммолари олдинда, деб ҳисобламоқда.

«Бугун биз ғалабани нишонлаяпмиз, чунки «Манчестер Сити» тарихида учинчи марта Чемпионлар лигасининг ярим финалига чиқди. Аммо биз уч кун олдин ўйнаганимизни ва бу ерга келганимизни эсдан чиқара олмаймиз.

Ҳозирда жароҳат олган футболчиларимиз кўп, яқин ҳафталарда нима бўлишини билмайман.

Биз ҳар доим ўйнаб, тўрт ёки бешта гол ура олмаймиз, биз инсонмиз. «Ливерпуль»га қарши қийин ўйин ўтказдик. Бизда катта муаммолар бор», - деди Гвардиола.