Football Insider nashri xabariga ko‘ra, «Manchester Siti» «Monako» yarim himoyachisi Orelyen Tchuameni uchun «Liverpul» bilan kurash olib boradi. 

Manbaga ko‘ra, «shaharliklar» bosh murabbiyi Xosep Gvardiola yozda klubni tark etadigan Fernandinyoning o‘rniga o‘rinbosar izlay boshlagan.

Joriy mavsumda 22 yoshli Tchuameni fransuz klubi safida barcha turnirlar doirasida 44 ta o‘yin o‘tkazib, 3 ta gol va 2 ta golli uzatmani amalga oshirdi.

Transfermarkt portali himoyachini 40 million yevroga baholamoqda. Futbolchining «Monako» bilan shartnomasi 2024 yilning yoziga qadar amal qiladi.