Football Insider нашри хабарига кўра, «Манчестер Сити» «Монако» ярим ҳимоячиси Орельен Тчуамени учун «Ливерпуль» билан кураш олиб боради.
Манбага кўра, «шаҳарликлар» бош мураббийи Хосеп Гвардиола ёзда клубни тарк этадиган Фернандиньонинг ўрнига ўринбосар излай бошлаган.
Жорий мавсумда 22 ёшли Тчуамени француз клуби сафида барча турнирлар доирасида 44 та ўйин ўтказиб, 3 та гол ва 2 та голли узатмани амалга оширди.
Трансфермаркт портали ҳимоячини 40 миллион еврога баҳоламоқда. Футболчининг «Монако» билан шартномаси 2024 йилнинг ёзига қадар амал қилади.
