"Zenit", "Rostov" va "Rubin" klublarining sobiq hujumchisi Sardor Azmun Rossiya Premyer-ligasiga qaytishi mumkin. Bu haqda agent Mehdi Hagitali ma’lum qildi.

"Germaniya futboli yuqori saviyaga ega. Qolaversa, Erondan ko‘plab kuchli futbolchilar Bundesligada o‘ynashgan - masalan, Ali Karimi, Ali Dai va boshqalar. Aytishimiz mumkinki, nemis futboli tarixan Eronda juda mashhur. Sardorga moslashish uchun vaqt kerak bo‘lishi kutilmoqda, boshqa davlatga, boshqa jamoaga o‘tganingda bu mutlaqo normal holat. U ko‘nikish bosqichida, unga vaqt kerak, lekin sekin-asta Bundesligada yaxshiroq va yaxshiroq o‘ynashiga shubha yo‘q.

Azmunning Rossiyaga qaytishi? Kelajakni bashorat qilib bo‘lmaydi, biz hozirda yashayapmiz va Sardorning futbolchilik faoliyatida yangi sahifadan zavqlanyapmiz. Ochig‘i, agar u Rossiyani yoqtirmasa, u siz bilan 9 yil o‘tkazmagan bo‘lardi. Demak, kelajakda qaytish mumkin”, dedi agent.

Avvalroq Azmun "Zenit"ga ichki maydonda bir qancha sovrinlarni yutishda yordam bergan. U haqli ravishda Rossiya chempionatining hozirgi bosqichidagi eng yaxshi hujumchilardan biri hisoblanadi.