"Зенит", "Ростов" ва "Рубин" клубларининг собиқ ҳужумчиси Сардор Азмун Россия Премьер-лигасига қайтиши мумкин. Бу ҳақда агент Меҳди Ҳагитали маълум қилди.
"Германия футболи юқори савияга эга. Қолаверса, Эрондан кўплаб кучли футболчилар Бундеслигада ўйнашган - масалан, Али Карими, Али Даи ва бошқалар. Айтишимиз мумкинки, немис футболи тарихан Эронда жуда машҳур. Сардорга мослашиш учун вақт керак бўлиши кутилмоқда, бошқа давлатга, бошқа жамоага ўтганингда бу мутлақо нормаль ҳолат. У кўникиш босқичида, унга вақт керак, лекин секин-аста Бундеслигада яхшироқ ва яхшироқ ўйнашига шубҳа йўқ.
Азмуннинг Россияга қайтиши? Келажакни башорат қилиб бўлмайди, биз ҳозирда яшаяпмиз ва Сардорнинг футболчилик фаолиятида янги саҳифадан завқланяпмиз. Очиғи, агар у Россияни ёқтирмаса, у сиз билан 9 йил ўтказмаган бўларди. Демак, келажакда қайтиш мумкин”, деди агент.
Аввалроқ Азмун "Зенит"га ички майдонда бир қанча совринларни ютишда ёрдам берган. У ҳақли равишда Россия чемпионатининг ҳозирги босқичидаги энг яхши ҳужумчилардан бири ҳисобланади.
