Namanganning "Navbahor" klubi sobiq ustozi Andrey Kanchelskis sport-express.ru muxbiri bilan bo‘lgan suhbatda Yevropa ligasi yarim finali haqida fikr bildirdi.

"So‘nggi paytlarda ancha yaxshilangan "Ayntraxt" va Premyer-ligada ajoyib o‘yin ko‘rsatayotgan "Vest Xem" turnir afishasi bo‘lishi aniq. Kim imkoniyat yuqori? Albatta, “Barselona”ni mag‘lub etgan “Ayntraxt”ning keyingi bosqichga chiqishini kutayapman. Ularning o‘yinlarini tomosha qilish juda qiziq bo‘ldi, ikki jamoa ham haqli ravishda ushbu bosqichga chiqishdi. O‘ylaymanki, Germaniya klubi finalda 100% ishtirok etadi. To‘g‘risini aytsam, men uchun kecha “Atalanta” mag‘lub bo‘lishini kutmagandim, ammo “Leypsig” ham ajoyib jamoa ekanligini unutmaslik kerak. Bir paytlar Rossiyada Emeri va Tedeskoni darajasi past murabbiylar, deb aytishardi. Ammo bugun ushbu mutaxassislarning darajasi qanday ekanligini ko‘rib turibmiz”, - dedi Kanchelskis 

Chorak final javob o‘yinlari yakunlariga ko‘ra, Yevropa ligasining 1/2 finali juftliklari ma’lum bo‘ldi: “Leypsig” – “Reynjers” ​​va “Vest Xem” – “Ayntraxt”.

Dastlabki o‘yinlar 28 aprel kuni, javob o‘yinlari 5 may kuni bo‘lib o‘tadi.