"Barselona" "Ayntraxt"ga qarshi o‘yindagi voqealardan keyin chipta sotish usulini o‘zgartiradi.
Kataloniyada bo‘lib o‘tgan Yevropa ligasi o‘yiniga (2:3) nemis klubining ko‘plab muxlislari tashrif buyurishdi - turli hisob-kitoblarga ko‘ra, ular soni 20 mingdan 30 minggacha bo‘lgan.
"Barselona" prezidenti Joan Laportaning aytishicha, endi klubning Yevropa musobaqalaridagi o‘yinlariga sotiladigan chiptalar shaxsiylashtiriladi.
Shuningdek, Laporta nemis jamoasining minglab muxlislari "Kamp Nou"ga qanday yetib kelganini tushuntirib berdi.
“Sotuvda 34 440 ta chipta bor edi. Cheklovlar bor edi, chiptalarni nemis bank kartasi yoki nemis IP`si bilan sotib olish mumkin emas edi. Klub nemislarga chipta sotmagan.
Ammo chiptalarni sotib olganlar o‘shanda nemis muxlislariga sovg‘a qilgani haqida dalillar bor”, — dedi “Barselona” prezidenti.
