Ukraina milliy terma jamoasi bosh murabbiyi Aleksandr Petrakov terma jamoa yig‘inini o‘tkazish sanasini tanlash haqida fikr bildirdi.
“Biz UYEFAga 2, 6, 10 va 14 may kunlari o‘yinlar tashkil etishni so‘rab murojaat qildik. Shundan so‘ng, 15-16 may kunlari yigitlarga oilalari bilan uchrashishlari uchun ikki kunlik dam berishni rejalashtirganman. 17 may kuni esa legionerlar safimizga qo‘shila boshlaydi. Sobol, Kacharaba, Zubkov, Yaremchuk birinchilardan bo‘lib kelgan bo‘lishi mumkin», - dedi terma jamoasi bosh murabbiy federasiya rasmiy saytiga.
Eslatib o‘tamiz, avvalroq Jahon chempionatining yarim final bosqichi doirasidagi Ukraina va Shotlandiya terma jamoalari o‘rtasidagi uchrashuv sanasi malum bo‘lgandi. Jamoalar 1 iyun kuni to‘qnash kelishadi. Bu haqda UYEFA matbuot xizmati xabar berdi.
Agar Shotlandiya bilan o‘yinda muvaffaqiyat qozonsa, Ukraina 2022 yili Qatarda bo‘lib o‘tadigan Jahon chempionatida ishtirok etish huquqi uchun Uels terma jamoasi bilan saralash finalida o‘ynaydi. Pley-off finali 5 iyunga belgilangan.
