Karlo Anchelotti "Real"ning "Sevilya" bilan o‘yinda kuchli irodali g‘alabasiga munosabat bildirdi.
"Juda muhim g‘alaba. Ikkinchi bo‘limda biz juda kuchli o‘yin ko‘rsatishga muvaffaq bo‘ldik: futbolchilar o‘z mahoratlarini va fidoyilik ko‘rsatishdi.
Bu jamoa barcha narsalarga qodir. Biz o‘yinni yomon boshladik, ammo o‘z kuchimizga bo‘lgan ishonchni yo‘qotmadik.
Hamma "Real"ning qoqilishini kutmoqda. Biz bugun g‘alaba qozonishga haqli edik. Biz hali La Ligada g‘alaba qozonganimiz yo‘q, ammo bu yo‘lda muhim qadam tashladik deb o‘ylayman”, — dedi Madrid klubi bosh murabbiyi.
