«Manchester Yunayted» «Old Trafford»ni qayta qurishga qaror qildi, deb xabar beradi Daily Mail.

Manbaga ko‘ra, «qizillar» uy arenasi rekonstruksiya qilinadi. Uning kengaytirilishi tufayli stadionning umumiy sig‘imi 75 000 tomoshabindan deyarli 88 000 tomoshabinga ko‘payadi.

Shu tariqa, «Old Trafford» 90 000 muxlisni o‘z bag‘riga sig‘dira oladigan «Uembli»dan biroz kamroq muxlislarni o‘zida qabul qila oladi.

«Old Trafford»ni ta’mirlash 200 million funt atrofidagi summaga tushadi.

Ma’lumot o‘rnida, stadion ilk marta 1910 yilda foydalanishga topshirilgan bo‘lib, arenani oxirgi marta 2006 yilda rekonstruksiya qilingan.