«Манчестер Юнайтед» «Олд Траффорд»ни қайта қуришга қарор қилди, деб хабар беради Daily Mail.

Манбага кўра, «қизиллар» уй аренаси реконструкция қилинади. Унинг кенгайтирилиши туфайли стадионнинг умумий сиғими 75 000 томошабиндан деярли 88 000 томошабинга кўпаяди.

Шу тариқа, «Олд Траффорд» 90 000 мухлисни ўз бағрига сиғдира оладиган «Уэмбли»дан бироз камроқ мухлисларни ўзида қабул қила олади.

«Олд Траффорд»ни таъмирлаш 200 миллион фунт атрофидаги суммага тушади.

Маълумот ўрнида, стадион илк марта 1910 йилда фойдаланишга топширилган бўлиб, аренани охирги марта 2006 йилда реконструкция қилинган.