«Inter» bosh murabbiyi Simone Indzagi Italiya kubogi yarim finali doirasidagi «Milan»ga qarshi javob uchrashuvi oldidan o‘z fikrlari bilan o‘rtoqlashdi.
«Biz o‘yinning muhimligini va ushbu bahs jamoamiz uchun nimani anglatishini bilamiz. Biz ketma-ket uch marta g‘alaba qozonganmiz va buni davom ettirishga tayyormiz.
Italiya kubogini chempionatdan farqlash kerak. Biz ikkala turnirda ham qatnashamizmi, demak, jamoa yaxshi o‘ynayapti, chunki yanvar oyida biz Superkubokni ham qo‘lga kiritgan edik.
Biz bu mavsumda to‘rtinchi marta «Milan»ga qarshi o‘ynaymiz [«Inter» hech qaysi o‘yinda g‘alaba qozona olmadi]. Ertaga biz g‘alaba qozonishni istaymiz, chunki bizning maqsadimiz Italiya kubogi finaliga chiqish», - deya Indzagi so‘zlarini keltiradi Football Italia.
Ma’lumot o‘rnida, «Milan derbisi» ertaga bo‘lib o‘tadi. Eslatib o‘tamiz, birinchi o‘yin 0:0 hisobida yakunlangandi.
