«Интер» бош мураббийи Симоне Индзаги Италия кубоги ярим финали доирасидаги «Милан»га қарши жавоб учрашуви олдидан ўз фикрлари билан ўртоқлашди.

«Биз ўйиннинг муҳимлигини ва ушбу баҳс жамоамиз учун нимани англатишини биламиз. Биз кетма-кет уч марта ғалаба қозонганмиз ва буни давом эттиришга тайёрмиз.

Италия кубогини ички чемпионатдан фарқлаш керак. Биз иккала турнирда ҳам қатнашаямизми, демак, жамоа яхши ўйнаяпти, чунки январь ойида биз Суперкубокни ҳам қўлга киритган эдик.

Биз бу мавсумда тўртинчи марта «Милан»га қарши ўйнаймиз [«Интер» ҳеч қайси ўйинда ғалаба қозона олмади]. Эртага биз ғалаба қозонишни истаймиз, чунки бизнинг мақсадимиз Италия кубоги финалига чиқиш», - дея Индзаги сўзларини келтиради Football Italia.

Маълумот ўрнида, «Милан дербиси» эртага бўлиб ўтади. Эслатиб ўтамиз, биринчи ўйин 0:0 ҳисобида якунланганди.