Ukraina terma jamoasi bosh murabbiyi Oleksandr Petrakov Kiyevning «Dinamo» klubi rahbarlarini JCH-2022ga tayyorgarlik ko‘rish uchun yig‘inda klub futbolchilarining ishtirok etmasligi haqidagi qaroriga salbiy munosabat bildirdi.
«To‘g‘risini aytsam, hayratdaman. Bunday javobni kutmagandim. Ukrainaning barcha klublari juda qiyin ahvolda. Bizda rasmiy o‘yinlarda qatnashish imkoniyati yo‘q, Ukraina terma jamoasi esa Halqaro o‘yinlarga juda yuqori saviyada tayyorgarlik ko‘rmoqda» - dedi terma jamoa murabbiyi Sport portaliga.
Eslatib o‘tamiz, Kiyevning «Dinamo» klubi rahbariyati futbolchilarga aprel oyi oxirida jamoaning Ukrainadan tashqarida bo‘lib o‘tadigan yig‘iniga borishni taqiqlagan edi.
