«Manchester Yunayted» yarim himoyachisi Pol Pogba Fransiyaning «PSJ» klubiga o‘tishga rozi bo‘ldi.
Pogbaning «Manchester Yunayted» bilan shartnomasi shu yilning iyun oyida tugaydi. Turinning «Yuventus» va «PSJ» klublari bir necha oydan beri 29 yoshli fransiyalik futbolchiga asosiy da’vogarlar sanalib keladi.
Todofichajes nashrining tarqatgan ma’lumotiga qaraganda, Pogba "PSJ" klubini tanladi va 4 yillik shartnomaga rozi bo‘lgan. Ushbu bitim yozgi transfer oynasi ochilgandan so‘ng amalga oshiriladi.
Qayd etilishicha, Pogbaning transferini «PSJ» rahbarlari «Real»ga o‘tishi mumkin bo‘lgan Kilian Mbappening ehtimoliy yo‘qotilishining o‘rnini qoplash imkoniyati sifatida ko‘rmoqda.
