"Manchester Yunayted" bosh murabbiyi Ralf Rangnik yangi tug‘ilgan o‘g‘lining o‘limi tufayli "Liverpul"ga qarshi o‘yinni o‘tkazib yuboradigan hujumchi Krishtianu Ronalduni qo‘llab-quvvatladi.
“Albatta, bu fojia uchrashuvga bo‘lgan munosabatni o‘zgartirdi. Hayotda futboldan ham muhimroq narsalar borligini yana bir bor ko‘rdik. Butun jamoa Krishtianu bilan. Menga ayonki, u hozir qayerda bo‘lishi kerak bo‘lsa, o‘sha yerda", - dedi Rangnik o‘yinoldi intervyusida.