«Aston Villa» bosh murabbiyi Stiven Jerrard yarim himoyachi Bubakar Kamarani kuzatish uchun Fransiya chempionati o‘yiniga tashrif buyurdi.
«Marsel»ning 22 yoshli yarim himoyachisiga bir qator ingliz klublari qiziqish bildirmoqda, ammo so‘nggi haftalarda uning transferi uchun «Atletiko» asosiy da’vogar deb hisoblanmoqda.
«Aston Villa» bosh murabbiyi Stiven Jerrard «Marsel»ning yaqinda bo‘lib o‘tgan Liga 1 doirasidagi «Nant»ga qarshi o‘yinida Kamaraning o‘yin darajasini baholash uchun shaxsan tashrif buyurdi. Futbolchining shartnomasi iyun oyida tugaydi, shuning uchun u erkin agent sifatida birmingemliklar safiga o‘tishi mumkin.
- Bubakar Kamara joriy mavsumda «Marsel» safida 41 ta o‘yinda maydonga tushib, 1 ta gol urgan.
