Yarim himoyachi Marsel Zabitser mavsum yakunida "Bavariya"ni tark etishi mumkin, deya xabar berdi Bild.
Manbaga ko‘ra, myunxenliklar 28 yoshli futbolchini 15 million yevro evaziga sotib yuborishga tayyorgarligini ma’lum qilgan. Hozirda unga "Arsenal" va "Atletiko"dan takliflar bor.
Eslatib o‘tamiz, futbolchi o‘tgan yozda 15 million yevro evaziga "Leypsig"dan "Bavariya" safiga kelib qo‘shilgan edi. Uning amaldagi shartnomasi 2025 yilgacha mo‘ljallangan.