«Chelsi»ning ikki futbolchisi Mateo Kovachich va Antonio Ryudiger jarohati sabab yakshanba kuni bo‘lib o‘tadigan «Vest Xem»ga qarshi London derbisini o‘tkazib yuborishadi. Bu haqda «ko‘klar» bosh murabbiyi Tomas Tuxel ma’lum qildi.
Kovachich haqida gapiradigan bo‘lsak, xorvatiyalik yarim himoyachi Angliya kubogi yarim finalidagi «Kristal Pelas»ga qarshi o‘yinning birinchi yarmida to‘pig‘idan jarohat olib, safdan chiqqandi. Ryudigerga kelsak, nemis futbolchisi chorshanba kuni bo‘lib o‘tgan London derbisidagi «Arsenal»ga qarshi bo‘lib o‘tgan o‘yinda jarohati sabab o‘tkazib yubordi.
Kovachich bir haftadan so‘ng safga qaytishi kerak. Antonio Ryudigerning tiklanish vaqti hozircha noma’lum.
