«Челси»нинг икки футболчиси Матео Ковачич ва Антонио Рюдигер жароҳати сабаб якшанба куни бўлиб ўтадиган «Вест Хэм»га қарши Лондон дербисини ўтказиб юборишади. Бу ҳақда «кўклар» бош мураббийи Томас Тухель маълум қилди.
Ковачич ҳақида гапирадиган бўлсак, хорватиялик ярим ҳимоячи Англия кубоги ярим финалидаги «Кристал Пэлас»га қарши ўйиннинг биринчи ярмида тўпиғидан жароҳат олиб, сафдан чиққанди. Рюдигерга келсак, немис футболчиси чоршанба куни бўлиб ўтган Лондон дербисидаги «Арсенал»га қарши бўлиб ўтган ўйинда жароҳати сабаб ўтказиб юборди.
Ковачич бир ҳафтадан сўнг сафга қайтиши керак. Антонио Рюдигернинг тикланиш вақти ҳозирча номаълум.
