"Manchester Siti" hujumchisi Riyod Maxrezga "Real" va "PSJ" klublari qiziqish bildirmoqda. Bu haqida L'Équipe nashri xabar berdi.
Manbaning ma’lumotiga ko‘ra, 31 yoshli jazoirlik haligacha ingliz klubi bilan yangi shartnoma borasida kelishib olgani yo‘q.
Qayd etilishicha, agar hujumchi "Manchester Siti" bilan kelishuvni uzaytirishga rozi bo‘lmasa, klub yozgi transferlar vaqtida futbolchini sotishga harakat qiladi.
Maxrez joriy mavsumda "Siti" safida barcha musobaqalarda 41 o‘yinda 23 ta gol urdi va 8 ta golli uzatmani amalga oshirdi. Uning klub bilan shartnomasi 2023 yilning 30 iyuniga qadar mo‘ljallangan.