"Манчестер Сити" ҳужумчиси Риёд Махрезга "Реал" ва "ПСЖ" клублари қизиқиш билдирмоқда. Бу ҳақида L'Équipe нашри хабар берди.
Манбанинг маълумотига кўра, 31 ёшли жазоирлик ҳалигача инглиз клуби билан янги шартнома борасида келишиб олгани йўқ.
Қайд этилишича, агар ҳужумчи "Манчестер Сити" билан келишувни узайтиришга рози бўлмаса, клуб ёзги трансферлар вақтида футболчини сотишга ҳаракат қилади.
Махрез жорий мавсумда "Сити" сафида барча мусобақаларда 41 ўйинда 23 та гол урди ва 8 та голли узатмани амалга оширди. Унинг клуб билан шартномаси 2023 йилнинг 30 июнига қадар мўлжалланган.
