«Brentford» yarim himoyachisi Kristian Eriksen Yevro-2020 paytida boshidan kechirgan dahshatli halokatini esladi.
Eslatib o‘tamiz, finlar bilan guruh bosqichi o‘yinida Eriksenning yuragi xuruj qilgan edi. Shifokorlar yarim himoyachining hayotini saqlab qolishga muvaffaq bo‘lishdi.
«Qanday qilib maysazorga yiqilganimni eslolmayman. Keyin uyg‘onib ketdim, atrofda ko‘p odamlar bor edi, lekin men nima bo‘layotganini tushunmadim. Men hammasini kasalxonaga tushganimdagina angladim.
Xozir menga hech narsa tahdid qilmaydi. Men juda ko‘p sinovlardan o‘tdim. Men uzoq vaqt hech narsa qilmadim, fikrlarimni yig‘dim va keyin qaytishga qaror qildim», — deydi Eriksen.
