«Брентфорд» ярим ҳимоячиси Кристиан Эриксен Евро-2020 пайтида бошидан кечирган даҳшатли ҳалокатини эслади.
Эслатиб ўтамиз, финлар билан гуруҳ босқичи ўйинида Эриксеннинг юраги хуруж қилган эди. Шифокорлар ярим ҳимоячининг ҳаётини сақлаб қолишга муваффақ бўлишди.
«Қандай қилиб майсазорга йиқилганимни эслолмайман. Кейин уйғониб кетдим, атрофда кўп одамлар бор эди, лекин мен нима бўлаётганини тушунмадим. Мен ҳаммасини касалхонага тушганимдагина англадим.
Хозир менга ҳеч нарса таҳдид қилмайди. Мен жуда кўп синовлардан ўтдим. Мен узоқ вақт ҳеч нарса қилмадим, фикрларимни йиғдим ва кейин қайтишга қарор қилдим», — дейди Эриксен.