«Barselona» bosh murabbiyi Xavi yarim himoyachi Frenki de Yong yozda sobiq ustozi Erik ten Xag boshqaruvidagi «Manchester Yunayted»ga o‘tishi mumkinligi haqidagi mish-mishlarga munosabat bildirdi.

«Men u bilan kelajak haqida gaplashmadim. Frenki juda yaxshi saviyada o‘ynayapti va u shu yerda o‘ynashda davom etishi kerak. De Yong kelgusi yillarda dunyoning eng yaxshi yarim himoyachilaridan biri bo‘lishi mumkin.

Agar menga qolsa, uni bu yerda yillar davomida olib qolardim. U juda muhim futbolchi va «Barselona»da kelajagi uchun muhim rol o‘ynashi mumkin. U gol urishi, assistentlik qilishi va o‘yinni o‘z qo‘liga olishi kerak», - deya fikr bildiradi Xavi.