«Барселона» бош мураббийи Хави ярим ҳимоячи Френки де Йонг ёзда собиқ устози Эрик тен Хаг бошқарувидаги «Манчестер Юнайтед»га ўтиши мумкинлиги ҳақидаги миш-мишларга муносабат билдирди.
«Мен у билан келажак ҳақида гаплашмадим. Френки жуда яхши савияда ўйнаяпти ва у шу ерда ўйнашда давом этиши керак. Де Йонг келгуси йилларда дунёнинг энг яхши ярим ҳимоячиларидан бири бўлиши мумкин.
Агар менга қолса, уни бу ерда йиллар давомида олиб қолардим. У жуда муҳим футболчи ва «Барселона»да келажаги учун муҳим рол ўйнаши мумкин. У гол уриши, ассистентлик қилиши ва ўйинни ўз қўлига олиши керак», - дея фикр билдиради Хави.
