Yarim himoyachi Rodrigo De Paul yozda “Atletiko”ni tark etishi mumkin. La Gazette Dello Sport xabariga ko‘ra, 27 yoshli argentinalik futbolchiga "Inter" qiziqish bildirmoqda.
Eslatib o‘tamiz, De Paul 2021 yilning iyulida "Udineze"dan "Atletiko"ga o‘tgan edi. Ispaniya klubi futbolchi uchun deyarli 40 million yevro to‘lagan.
Uning Madridliklar bilan shartnomasi 2026 yilning yoziga qadar mo‘ljallangan.
Yarim himoyachi joriy mavsumda barcha turnirlarda 43 ta o‘yinda maydonga tushib, 2 ta gol urdi va bir xil miqdordagi golli uzatmani amalga oshirdi.
