Portugaliyaning «Benfika» klubi o‘z yetakchisi Darvin Nunyesni sotishdan katta pul ishlab olishni maqsad qilgan.

22 yoshli hujumchiga Yevropa futbolining bir qator gigantlari qiziqish bildirmoqda. Urugvaylik futbolchiga davogarlar orasida Angliyaning «Liverpul», «Arsenal» va «Manchester Yunayted», Ispaniyaning «Atletiko» va «Barselona», shuningdek, Germaniyaning «Bavariya» klublari bor. AS xabariga ko‘ra, «Benfika» hujumchi uchun taxminan 100 million yevro so‘ramoqda.

Darvin Nunyes joriy Portugaliya chempionatida 25 ta o‘yinda 25 ta gol urdi. Chempionlar ligasida u 10 uchrashuvda 6 ta gol urib, jamoasini chorak finalgacha chiqishiga yordam berdi.