Португалиянинг «Бенфика» клуби ўз етакчиси Дарвин Нуньесни сотишдан катта пул ишлаб олишни мақсад қилган.

22 ёшли ҳужумчига Европа футболининг бир қатор гигантлари қизиқиш билдирмоқда. Уругвайлик футболчига давогарлар орасида Англиянинг «Ливерпуль», «Арсенал» ва «Манчестер Юнайтед», Испаниянинг «Атлетико» ва «Барселона», шунингдек, Германиянинг «Бавария» клублари бор. АS хабарига кўра, «Бенфика» ҳужумчи учун тахминан 100 миллион евро сўрамоқда.

Дарвин Нуньес жорий Португалия чемпионатида 25 та ўйинда 25 та гол урди. Чемпионлар лигасида у 10 учрашувда 6 та гол уриб, жамоасини чорак финалгача чиқишига ёрдам берди.