«Bavariya»ning tajribali darvozaboni Manuel Noyer myunxenliklar navbatdagi chempionlik unvonidan so‘ng o‘z fikrlari bilan o‘rtoqlashdi.

Noyerning aytishicha, chempionlikni qo‘lga kiritish har doim ajoyib, ayniqsa bu ketma-ket o‘ninchi marta sodir bo‘lganda, bu o‘zgacha rohat. Darvozabon «Bavariya» Chempionlar ligasidan chiqib ketganidan so‘ng, mavsumni yaxshi natija bilan yakunlash juda muhim ekanini ta’kidladi. Manuelning qo‘shimcha qilishicha, futbolchilar yevrokuboklardagi muvaffaqiyatsizliklar Bundesligadagi natijalarga qandaydir tarzda ta’sir qilishini istamagan.

Eslatib o‘tamiz, Dortmundning «Borussiya» jamoasi ustidan qozonilgan g‘alabadan so‘ng myunxenliklar muddatidan oldin chempionlik unvonini qo‘lga kiritgan edi.