«Бавария»нинг тажрибали дарвозабони Мануэль Нойер мюнхенликлар навбатдаги чемпионлик унвонидан сўнг ўз фикрлари билан ўртоқлашди.
Нойернинг айтишича, чемпионликни қўлга киритиш ҳар доим ажойиб, айниқса бу кетма-кет ўнинчи марта содир бўлганда, бу ўзгача роҳат. Дарвозабон «Бавария» Чемпионлар лигасидан чиқиб кетганидан сўнг, мавсумни яхши натижа билан якунлаш жуда муҳим эканини таъкидлади. Мануэлнинг қўшимча қилишича, футболчилар еврокубоклардаги муваффақиятсизликлар Бундеслигадаги натижаларга қандайдир тарзда таъсир қилишини истамаган.
Эслатиб ўтамиз, Дортмунднинг «Боруссия» жамоаси устидан қозонилган ғалабадан сўнг мюнхенликлар муддатидан олдин чемпионлик унвонини қўлга киритган эди.
