«Barselona» hujumchisi Lyuk de Yong Xavi klubda bosh murabbiy lavozimini egallaganidan keyin uning jamoadagi mavqei qanday o‘zgarganini aytdi.
«Men mavsumni «Barselona»da yakunlashni xohlardim. To‘g‘ri, ko‘chib o‘tgan paytimda jamoa o‘yiniga qo‘shadigan hissam qanday bo‘lishini hech kim tasavvur qilmagan. Men qolishga va kurashni davom ettirishga qaror qildim. Men bu haqda Xavi bilan gaplashdim. U bilan barcha futbolchilar noldan boshlashdi, shuning uchun men o‘zimni ko‘rsatish imkoniyatiga ega bo‘ldim.
Ronald Kuman qo‘l ostida mashg‘ulotlarda har kuni o‘zimni ko‘rsatishim kerak edi. Mashg‘ulotlarda yaxshi ishlamasang, maydonga tushishga loyiq emassan. Kuman ketganidan keyin men uchun ko‘p narsa o‘zgarmadi. Men ham xuddi shunday qilishim kerak. U mening kimligimni va mendan qanday foydalanishni bilardi. Xaviga kelsak, men unga bu buyuk klubga qanday yordam berishimni ko‘rsatishim kerakligini tushunaman. Men unga boshidanoq jamoaga uzoq muddat yordam bera olishimni isbotlashim kerak edi.
Mening kelajagim? Men 100% rostini aytaman: qayerda o‘ynashimni hali bilmayman. Hozir ham buyuk klubda o‘ynayapman», - deya futbolchining so‘zlarini keltiradi Diario Sport.
