«Liverpul» o‘zining ajoyib seriyasini davom ettirmoqda. Raqiblar "qizillar" darvozasi tomon penalti tepish imkoniyatiga ega bo‘lmayapti.

Opta xabariga ko‘ra, ketma-ket 46 o‘yindan beri «qizillar» Angliya premyer-ligasi o‘yinlarida o‘z darvozasi tomon penalti tepishga imkon yaratishmayapti. Bu barcha chempionat jamoalari orasida eng uzoq davom etgan seriya.

Reytingda ikkinchi o‘rinni «Manchester Siti» (24 ta o‘yin), uchinchi ko‘rsatkichni «Everton» (19), to‘rtinchi o‘rinni «Nyukasl» (18), «Aston Villa» esa kuchli beshlikda ( 14) turibdi.

«Liverpul»ning o‘zi APLning joriy chempionatida 8 ta penalti tepgan va shulardan 7 tasini golga aylantirgan.