«Barselona» yozda 7 nafar yangi futbolchini qo‘lga kiritishni rejalashtirmoqda.

Diario Sport xabariga ko‘ra, kataloniyaliklar bosh murabbiyi Xavi har bir pozisiya uchun ikkitadan teng saviyali futbolchi bo‘lishini istaydi. Bu yo‘nalishda Mateu Alemani va Jordi Kroyff ishlamoqda.

«Barselona» ushbu yozda Mark-Andre ter Shtegen bilan raqobatlashish uchun yangi darvozabon sotib olmoqchi, markaziy himoyachi («Chelsi»dan Andreas Kristensen bo‘lishi mumkin), ikkita qanot himoyachi, yarim himoyachi (ehtimol, «Milan»dan Frank Kyessi klubga qo‘shiladi) va ikkita hujumchi.

Bu futbolchilarning barchasini qo‘lga kiritish uchun «Barselona» kim bilandir xayrlashishi kerak. Dani Alvesh, Serxi Roberto, Usmon Dembele, Lyuk de Yong va Adama Traorelar bilan shartnomalar shu yozda tugaydi. Ularning bir qismi bilan hamkorlikni davom ettirish uchun muzokaralar olib boriladi.

Bundan tashqari, klub Kleman Lengle, Samuel Umtiti, Oskar Mingesa, Serjinyo Dest, Riki Puch, Memfis Depay va Martin Breytveytlarni sotishga harakat qiladi.

Filippe Koutinyo, Miralem Pyanich, Fransisko Trinkau va Aleks Kollado ijaradan qaytishadi.