«Manchester Yunayted» o‘zining ikki futbolchisini «Barselona» yarim himoyachisi Frenki De Yongga almashtirishga tayyor, deb xabar bermoqda Fichajes nashri.

Manbaga ko‘ra, "mankunianliklar" hujumchi Markus Reshford va himoyachi Aleks Telles bilan xayrlashishga qarshi emas.

Eslatib o‘tamiz, joriy mavsum yakunida inglizlar jamoasini niderlandiyalik mutaxassis Erik ten Xag qabul qilib olishi 21 aprel kuni rasman ma’lum bo‘ldi. Aynan uning rahbarligida De Yong 2018/2019 yilgi mavsumda o‘zini namoyon qildi, shundan so‘ng uni «Barselona» sotib oldi.

Oldinroq kataloniyaliklar o‘z futbolchisi bilan xayrlashish niyatida emasligi haqida xabar berilgandi.

24 yoshli De Yong joriy mavsumda «ko‘k-anorranglilar» safida 43 ta o‘yinda maydonga tushib, 4 ta gol urdi va 5 ta golli uzatmani amalga oshirdi.

Transfermarkt portali Niderlandiya terma jamoasi futbolchisini 70 million yevroga baholamoqda.